أسامة غريب

بداية الكتاب كانت سخيفة جداااا و اخدت انطباع سىء عن اسامة غريب... كان فيه استظراف عالى اوى بداية من اسم الكتاب و مرورا بمقالات كاملة مالهاش معنى و لا لون و مش فاهمة ايه لازمتها... استسخفته فعلا فى مقالة "القراءة للجميع و الكتابة ايضا" و هو عمال ينظر و ينتقدالكتاب و الصحافيين على اساس انهم بلا موهبة و ليهم واسطة.. طب بخصوص حضرتك يعنى؟!...

كنت ناوية اديله نجمة واحدة و مع ذلك كملت -مش بحب اسيب كتب من غير ما اخلصها,بدى كل كتاب فرصته الكاملة- و كويس انى كملته عشان الموضوع اتحسن كتيييييييير بعد كده... فيه مقالات جيدة جدا و فيها افكار جديدة و مميزة... و فيه مقالات دمها خفيف فعلا مش استظراف زى الاول...المقالات اللى عجبتنى اوى زى "فروق ثقافية, الوزير المصرى و الوزير الشومبونجى, القرد المصرى و القرد الشومبونجى ,فوق جهل الجاهلينا, حاجات محشية حاجات, كيف يصبح الانسان خرتيتا,هل صحيح ان النيل بدراوى"...

الفصل بتاع الادب كله عجبنى جدا و حبيته... بحب اللى يكلمنى عن الادب و يضيفلى معلومة جديدة و يقولى على كاتب او كتاب مميز جديد, فكرنى ببلال فضل فى الدستور كنت بحب جدا مقالاته اللى عن كتاب عجبه او كاتب بيحبه و أثر فيه... أسامة لفتنى لكتابات صافيناز كاظم و كويس انى اشتريتلها كتاب عشان حمسنى اقرالها... رأيه فى جلال امين كان رائع.. و نقده لفرتيجو حمسنى اقرا الرواية دى جدااا...

و برضه كلامه و ملاحاظاته عن افلام و فنانين زى فيلم "ليلة البيبى دول" و "عادل امام" كان فى الصميم...

لفتنى مقالته عن حزب الله و دفاعه عن المقاومة اللبنانية...و انا من محبى حزب الله -رغم خنقتى من موقفهم من سوريا- بس بحترم نضالهم لكن مازات مستغربة كونهم دولة جوا الدولة ليهم جيش و سلاح و كاميرات مراقبة و تمويل مستقل بيهم بعيد عن الدولة!!!!!.. الكاتب دافع عن الفكرة دى بذريعة ان الجيش اللبنانى ضعيف اصلا و ده غالبا صحيح بس برضه حزب الله دولة جوا لبنان و ده شىء مخيف!... يمكن الموضوع راجع لطبيعة لبنان المختلفة تماما على اللى نعرفه... بس المقالة حمستنى اقرأ عن حزب الله و حرب تموز و الحرب الاهلية اللبنانية بالتفصيل عشان اكّون رأيى الخاص..

كتاب كويس و اديته الثلاث نجوم عشان مقالات معينة كانت رائعة...… (plus d'informations)