Na páxina da editorial: "Hai moitos anos vivía un rei que pasaba o tempo a estrear traxes e vestidos, e gastaba a fortuna do país comprando as teas máis custosas. O rei desentendíase das cousas do goberno e non facía outra cousa que pasear en carroza polo parque, ir ao teatro, pasar revista á tropa... Sempre para presumir de novos traxes. Este libro é unha adaptación do conto clásico de Hans Christian Andersen, do que destacan as súas ilustracións, a base de collage e incrustacións de material textil. A proposta estética ofrece unha segunda lectura do texto que xoga co real e o marabilloso, deixando lugar para a sorpresa, a fascinación, a extrañeza, e sempre buscando manter activo o lector.
João Caetano manexa varias simboloxías e dálle ao humor un papel de grande importancia: faille chiscadelas ao lector e ironiza sutilmente, construíndo metáforas visuais nun segundo plano, como o maniquí que se mofa do rey ou a coroa do monarca.
As imaxes deste álbum foron seleccionadas para participar nunha exposición internacional organizada pola Biblioteca Internacional da Xuventude de Munich e o Museo da Ilustración de Libros de Troisdorf (Alemaña) para conmemorar o 200 aniversario do nacemento de Andersen". ( )